Arquivo

Home Tag: dance

A Liga Xunta de Galicia de Break está a romper todos os pronósticos. Non hai resultado que se repita, con excepción da ourensá Mini Ali que segue invicta na categoría intermedia.

 

Noia non deixou indiferente a ninguén, dende a victoria, en cuartos de final, da Bgirl Xayna sobre o líder do ranking da categoría avanzada Chiscrow ata a final na mesma categoría na que batallaron polo primero posto Lil Rays e Gizmou, pai e fillo, dando como vencedor a o primeiro.

 

Na categoría intermedia, volve o coruñés Stormy que «cae» en cuartos de final contra Bgirl Noix, nunha batalla bastante igualada na que se pon de manifesto cómo as mozas e mozos están a subir o nivel do breaking galego xornada tras xornada. Finalmente Mini Ali suma outro ouro nunha final contra Bboy Wolfy, que ascende a segunda posición no ranking da liga, quitándolle o posto a vigesa Kway.
A categoría de iniciación segue sumando o debut de novos competidores. Nesta categoría Bboy Pedrosa de Vigo foi o vencedor, mentres que Bboy Serferal, tras participar por primeira vez nesta tempada, leva para Ourense a medalla de prata.

 

Fixo entrega das medallas o alcalde de Noia Santiago Freire.

 

RESULTADOS:

 

Cat. Avanzada
🥇Lil Rays (O Carballiño)
🥈Gizmou (O Carballiño)

 

Cat. Intermedia
🥇Mini Ali (Ourense)
🥈Wolfy (A Coruña)

 

Cat. Iniciación 
🥇Pedrosa (Vigo)
🥈Serferal (Ourense)

 

 

Staff:
Dj Mil

 

Xurado:
Artur
Lúa
Danny Fk

 

FOTOS

 

#LigaXuntaBreak

 

A terceira xornada da Liga XGB celebrarase na Alameda de Noia (no caso de choiva, a competición terá lugar no pavillón Agustín Mourís situado ao lado da Alameda e anexo ao Espazo Xove). O taller impartirase no Espazo Xove de Noia situado na Rúa Pedra Sartaña, nº2.

 

HORARIOS:

  • Taller formativo: 12:30 a 13:30
  • Confirmación de participación da competición: 16:00 a 17:00 horas.
  • Competición: 17:00 a 20:30 horas (aprox.)

 

FORMATO: 1vs1 (individual)

 

STAFF

Nesta xornada contaremos con Dj Mil, Norte como speaker e no xurado con Artur, Lúa e Danny FK.

 

CARTEL

 

 

#LigaXuntaBreak

 

Aínda podes inscribirte e consultar toda a información sobre a Liga Xunta de Galicia de Break 2022 na web: www.ligaxuntabreak.org

 

A Liga Xunta de Galicia de Break continúa e nesta ocasión trasladámonos ao Espazo Xove de Viveiro cunha nova xornada organizada por Vella Escola e que comezou con obradoiros de Break impartidos por Bboy Serlli e Retrokid, que trasladaron a súa experiencia e coñecemento a tódolos participantes como veñen facendo en cada evento de Liga.

 

 

Pola tarde, con máis de 30 participantes, Viveiro foi escenario de batallas que quedarán gardadas nas nosas retinas, destacando as batallas finais de todas as categorías que puxeron sobre as cordas ao xurado, que logo de algún empate finalmente tivo que posicionarse. Nesta volta permanecen nos primeiros postos Chiscrow e MiniAli e Revolt acada o primeiro posto na categoría de iniciación subindo un posto con respecto á anterior xornada de Liga. Cabe destacar o debut na Liga 2022 de bgirl Pau que demostrou un nivel moi alto de Breaking na categoría intermedia, sen esquecernos de bboy Pedrosa que sorprendeu ao xurado chegando a desputar a final da súa categoría.

 

 

A tarde abriu cunhas palabras de benvida por parte da directora xeral de Xuventude, Cristina Pichel que se achegou a Viveiro para presenciar o campionato ata as finais e participando tamén na entrega de premios.

 

 

Por outra banda, o noso speaker favorito, Sergio aka Norte, lembrounnos unha vez máis que o Breaking, ante todo, é para pasalo ben. Tanto o público, coma os participantes entenderon a mensaxe e Viveiro deixou unha moi grata imaxe da unión que existe entre as mozas e mozos deportistas da comunidade Galega de Breaking.

 

 

Nesta ocasión como parte do staff contamos con Bgirl Lúa, Anxo Flava e Bboy Serlli en calidade de xuíces, Norte ao micro animando o evento e co Dj jerezano, Danny FK soltando os mellores beats.

 

 

O podio quedou como segue:

 

Categoría Iniciación
🥇Bboy Revolt (A Coruña)
🥈Bboy Pedrosa (Vigo)

 

Categoría Intermedia
🥇Bgirl Miniali (Ourense)
🥈Bgirl Pau (Vigo)

 

Categoría Avanzada
🥇Bboy Chiscrow (Vigo)
🥈Bboy Marcel (Santiago DC)

 

 

 

 

MÁIS FOTOS (cedidas por Raqueru)

 

A segunda xornada da Liga XGB terá lugar en Viveiro, concretamente no Espazo Xove situado na Avenida Cervantes, 19 onde se desenvolverá a competición deportiva en horario de tarde precedida polo taller formativo que terá lugar no mesmo espazo en horario de mañá.

 

HORARIOS:

  • Taller formativo: 12:30 a 13:30
  • Confirmación de participación da competición: 16:00 a 17:00 horas.
  • Competición: 17:00 a 20:30 horas (aprox.)

 

FORMATO: 1vs1 (individual)

 

STAFF

Nesta xornada contaremos cun novo Dj (Danny FK) e con Bboy Serlli como xuíz (segundo finalista da Liga XGB) acompañado por Bgirl Lúa que volve como parte do xurado da Liga 2022.

 

CARTEL

 

 

#LigaXuntaBreak

 

Aínda podes inscribirte e consultar toda a información sobre a Liga Xunta de Galicia de Break 2022 na web: www.ligaxuntabreak.org

 

Despois de 5 meses de descanso, Lalín deu o pistoletazo de saída da nova tempada da Liga Xunta de Galicia de Break.

 

Nesta xornada, con preto de 40 deportistas e familiares acompañantes procedentes de toda a xeografía galega, estivo presente a directora xeral de Xuventude, Participación e Voluntariado, Cristina Pichel, que presentou a iniciativa organizada pola Xunta de Galicia e promovida pola Secretaría Xeral para o Deporte xunto con Xuventude como unha oportunidade para impulsar esta disciplina olímpica, resaltando a importancia de achegala á xuventude para fomentar valores propios do deporte como o respecto, o esforzo e o valor da constancia ou o traballo en equipo.

 

Por outra banda, Lalín foi testemuña dos cambios presentados na nova edición da Liga, dende a reccente estreada categoría de nivel intermedio ata a relaxación das medidas COVID.

 

 

 

DESENVOLVEMENTO DA COMPETICIÓN

 

En nivel avanzado, Chiscrow (Vigo), un dos máis veteráns do breaking galego, fíxose co primeiro posto nunha final moi pelexada contra o venezolano residente en Ourense Bboy Gizmou, que con só 17 anos de idade é un dos aspirantes ao trono galego.

 

Sen sorpresas na categoría intermedia, onde a defensora do título, Mini Ali (Ourense), segue invicta sen perder ningunha final dende que compite na Liga Xunta de Galicia de Break. Bgirl Kawai (Vigo), acadou a segunda posición, despois de sorprender en semifinais, gañando a Bboy Wolfy (A Coruña) que acadara a terceira posición no ranking de iniciación da Liga na tempada anterior.

 

 

Na nova categoría de iniciación vimos algunhas caras novas dos que se espera, sexan as novas promesas galegas do breaking. Nesta categoría, Bboy Chanq (Vigo), gañou o primeiro posto na batalla final contra Bboy Revolt (A Coruña).

 

 

O staff do evento organizado por Vella Escola, estivo formado por Dj Mil, o xurado: Anxo Flava, Danny FK e Artur Lago, este último campión da Liga 2021 que formará parte do xurado durante esta tempada compartido tribuna co segundo finalista Bboy Serlli.

 

Cabe destacar a grande participación nos obradoiros que se celebran antes da competición en cada unha das sedes da Liga e que teñen como fin achegar o breaking a xuventude galega impartidos polo compostelán Retro Kid.

 

 

Fotos por: @Raqeru

#LigaXuntaBreak

 

Aínda podes inscribirte e consultar toda a información sobre a Liga Xunta de Galicia de Break 2022 na web: www.ligaxuntabreak.org

 

Este sábado 14 de maio dará comezo a Liga Xunta de Galicia de Break 2022 que terá como sede do primeiro evento do circuito galego a Laín. O evento desenvolverase no parque anexo ao Espazo Xove situado na rúa Penatoares, nº2.

 

A confirmación de asistencia para participar estará aberta desde as 16:00 ata as 17:00 horas, momento no que dará comezo a competición. Por outra banda, o taller de Breaking terá lugar en horario de mañá de 12:30 a 13:30 e ubicarase no interior do Espazo Xove.

 

Como novidade, este ano a Liga contempla unha nova categoría denominada «intermedia», mantendo as anteriores de «iniciación» e «avanzado». Tamén hai un cambio para as competicións da Liga no formato 2vs2 xa que este ano permitirase que formen parella competidores/as de diferentes categorías. Por último, non é necesario estar en posesión de licenza federativa para participar nos eventos da Liga posto que todos/as os/as competidores/as estarán cubertos por un seguro de accidentes deportivos.

 

Podes consultar toda a información sobre a Liga Xunta de Galicia de Break 2022 na web: www.ligaxuntabreak.org

 

CARTEL

 

 

 

 

Vigo pecha a liga Xunta de Galicia de Break tras 9 eventos de liga celebrados e organizados por Vella Escola nas localidades de Viveiro, Lalín, Noia, A Coruña, Lugo, Pontevedra, Vilagarcia de Arousa, Ourense e Santiago de Compostela.

 

 

 

O C. C. Vialia de Vigo foi o lugar elixido para poñer o broche final á primeira liga de Breaking, que este mesmo ano foi considerado como modalidade deportiva na comunidade galega. Nesta edición, que contou coa presenza do Secretario Xeral para ou Deporte Galego Jose Ramon Lete Lasa, púidose gozar dunha vibrante batalla nas semifinais que enfrontaron a Artur vs Serlli e que ata ese momento loitaban polo primeiro posto da liga, e que tras un empate, o xurado deu a batalla a Artur coroándoo como o primeiro Campión da Liga Galega de Break en Categoría Pro.

 

 

 

Polo outro lado das semifinais enfrontáronse Amor e Sinopsis, que con 15 e 18 anos representan a prometedora canteira galega, nesta ocasión, e por segunda vez na Liga, Amor colocouse na final que deu como gañador a Artur (Santiago de Compostela).

 

 

 

Na categoría de iniciación, que matematicamente xa contaba coa ourensá Mini Ali como campiona da Liga e con Pau (Vigo) como subcampiona, senteuse a pista de baile vibrar con maxia nunha final excepcional que eleva o nivel feminino do Break en Galicia.

 

 

 

Tamén loitaron polo terceiro posto Wolfy (A Coruña) e Noa (Vigo). Nesta categoría púidose observar o traballo que se está realizando cos mozos e mozas galegos/as e a implicación das familias que asistiron a cada evento do circuito. O elenco de xuíces estivo formado por: Chiscrow, Lúa e Niko, mentres que Dj Mil foi o encargado da música e Anxo Flava a voz do evento.

 

 

Unha tarde de domingo que, sen dúbida, quedará gravada para a historia do Breaking galego.

 

RESULTADOS da competición da “Liga Xunta de Galicia de Break (Vigo)”

 

CATEGORÍA AVANZADA
1° Artur Lago – Artur (Santiago de Compostela)
2° David Amor – Amor (Neda)

 

CATEGORÍA INICIACIÓN
1° Alicia Babarro – MiniAli (Ourense)
2° Paula Costas – Pau (Vigo)

 

RESULTADOS XERÁIS DO RANKING DA LIGA

 

CATEGORÍA AVANZADA
1° Artur Lago – Artur (Santiago de Compostela)
2º Sergio Perol – SerLli (Santiago de Compostela)
3° David Amor – Amor (Neda)

 

CATEGORÍA INICIACIÓN
1° Alicia Babarro – MiniAli (Ourense)
2° Paula Costas – Pau (Vigo)
3º Ismael Borrallo – Wolfy (A Coruña)

 

#BreakingOlímpico #DeporteGalego #DeporteOlímpico #Breaking #Galicia #VellaEscola #XuventudeDeGalicia #LigaXuntaBreak

 

O domingo 19 de decembro terá lugar a última xornada da Liga Xunta de Galicia de Break 2021 en Vigo (Centro Comercial Vialia Estación) con formato 1vs1 (individual) para as dúas categorías de competición (iniciación e avanzado).

 

O campionato dará comezo a partir das 16:00 horas no espazo «Vigo Exporta» situado no Centro Comercial Vialia Estación de Vigo ubicado na rúa Praza Estación, 1 – Vigo.

 

O taller formativo terá lugar no mesmo lugar que o evento en horario de mañá de 12:30 a 13:30 e será impartido por Bboy Retrokid.

 

 

CARTEL

 

Aviso Legal e Política de Privacidade