Arquivo

Home Tag: breaker

A 10ª xornada da Liga Xunta de Galicia de Break celebrarase este sábado 03 de decembro en Santiago de Compostela (Cidade da Cultura – Auditorio do Edificio Fontán) e será en formato individual 1vs1.

 

A competición dará comezo no horario habitual de 17:00 ata as 20:30 aprox. (confirmación de participantes de 16:00 a 17:00 horas). O taller será impartido por Bboy Retrokid na sala anexa ao Auditorio do Edificio Fontán.

 

HORARIOS:

  • Taller formativo: 12:30 a 13:30
  • Confirmación de participación da competición: 16:00 a 17:00 horas.
  • Competición: 17:00 a 20:30 horas (aprox.)

 

FORMATO: 1vs1 (individual)

 

STAFF

Nesta xornada contaremos con 2 Djs (Dj Mil e Danny FK), Norte como speaker e no xurado con SerLli, Lúa e Big Nomo.

 

CARTEL

 

 

 

 

#LigaXuntaBreak

 

 

 

Mini Ali coróase como campiona da categoría intermedia a falta do derradeiro evento da Liga de Break.

 

A novena Xornada da Liga Xunta de Galicia de Break, celebrada no Centro Galego de Tecnificación Deportiva (Pontevedra) puxo a Mini Ali (Ourense) matematicamente como campiona da liga na categoría intermedia. Na mesma categoría, bboy Wolfy (A Coruña), tras quedar finalista contra mini Ali e a falta dunha xornada, obtivo o segundo posto do campionato galego. Na próxima xornada estará a mirada posta nas bgirls Kwai e Pau,  que se disputarán a terceira posición do ranking.

 

En categoría avanzada Bboy Marcel foi o gañador da xornada, posicionándose a so 20 puntos de Bboy Amor. Bboy Jerox deu a sorpresa da xornada, que tras batirse contra Bboy Manu e Bboy Chiscrow avanzou ata unha desputada final contra Marcel. Grandioso nivel están amosando os competidores desta categoría.

 

Impresionante papel fixeron tamén os rapaces e rapazas da escola Gravitty de Lugo, que en categoría de iniciación amosaron un gran nivel competitivo, e que pese a non disputar a maioría das xornadas, demostraron que teñen un gran talento para loitar polos mellores postos do campionato. Bboy Pedrosa segue na escalada polo campionato, que tras gañar na final a Bboy Chanq, colócase a 60 puntos do líder actual, Bboy Revolt.

 

O secretario Xeral para o Deporte, José Ramón Lete Lasa, estivo presente na entrega de premios da xornada.

 

O evento estivo dirixido por Norte ao micro Dj Mil aos pratos. Na formación do xurado contouse con a presenza de Danny FK, Artur e Anxo Flava.

 

RESULTADOS:

 

Categoría Iniciación:

🥇Pedrosa (Vigo)
🥈Chanq (Vigo)

 

Categoría Intermedia:

🥇Mini Ali (Ourense)
🥈Wolfy (A Coruña)

 

Categoría Avanzada:

🥇Marcel (Santiago de Compostela)
🥈Jerox (Vigo)

 

 

 

#LigaXuntaBreak

 

 

 

A 8ª xornada da Liga Xunta de Galicia de Break celebrarase no Espazo Xove de Ourense situado na rúa Celso Emilio Ferreiro, 27 e será en formato parellas 2vs2. A competición dará comezo no horario habitual de 17:00 ata as 20:30 aprox. (confirmación de participantes de 16:00 a 17:00 horas). O taller será impartido por Bboy Retrokid na planta alta do Espazo Xove de 12:30 a 13:30 horas.

 

HORARIOS:

  • Taller formativo: 12:30 a 13:30
  • Confirmación de participación da competición: 16:00 a 17:00 horas.
  • Competición: 17:00 a 20:30 horas (aprox.)

 

FORMATO: 2vs2 (parella)

 

STAFF

Nesta xornada contaremos con Dj Mil, Norte como speaker e no xurado con Chiscrow, Lúa e Big Nomo.

 

CARTEL

 

 

 

 

#LigaXuntaBreak

 

 

 

A sétima xornada da Liga Xunta de Galicia de Break chega a Pontedeume a falta de tres eventos para o final da tempada. Durante esta xornada moitos veciños e viandantes que paseaban pola alameda puideron presenciar as batallas que se desenvolveron no escenario principal do parque.

 

Pontedeume deixou un podio que permite que Bgirl Mini Ali (categoría intermedia) e Bboy Revolt (categoría iniciación) se posicionen a tan só 10 puntos da vitoria matemática, nas súas categorías.

 

A categoría avanzada estase a consolidar, amosando unha calidade de Breaking que nada ten que envexar ao panorama nacional.  Así se demostrou en batallas coma a que enfrentou a BigNomo con Marcel poñendo ao xurado sobre as cordas, nunha das batallas máis axustadas do día.  Pontedeume tamén vibrou coa batalla da categoría intermedia entre Bgirl Pau e Bboy Wolfy, que finalizou cun desempate na terceira rolda.

 

Os gañadores da xornada: Chiscrow, MiniAli e Revolt nas súas respectivas categorías (avanzado, intermedio e iniciación) están moi preto de acadar o ansiado título de campións da Liga Xunta de Galicia de Break, pero non vai ser doado. Bboy Amor, segundo en categoría avanzada e finalista en Pontedeume, continúa sumando puntos mantendo posición preto de Chiscrow.

 

Na categoría intermedia, Mini Ali segue invicta nesta competición, sen perder ningunha batalla dende a tempada anterior e a só unha fase de revalidar o título.  Onde sen dúbida hai expectación, é polo terceiro posto ao que poderán optar máis de 10 participantes nos próximos días.

 

En iniciación, Revolt e Pedrosa atopáronse novamente na final.  Nesta xornada, o Breaking lucense reforzou a súa participación na Liga con 3 novas competidoras. Xa se pode dicir que o Breaking está a ter movemento en todas as provincias galegas.

 

Nesta xornada de Liga tamén tivemos tempo para que as familias subiran a pista de baile durante un dos descansos das eliminatorias para demostrar as súas habilidades como bboys e bgirls.

 

O xurado estivo formado por Bgirl Cat, Anxo Flava e Bgirl Lúa.

 

Sen dúbida, o Breaking galego é un referente en igualdade e inclusión, onde a participación feminina está a superar á dos homes en moitas xornadas do circuito galego.

 

 

RESULTADOS

 

 

Categoría Iniciación:

🥇Revolt (A Coruña)
🥈Pedrosa (Vigo)

 

Categoría Intermedia:

🥇Mini Ali (Ourense)
🥈Pau (Vigo)

 

Categoría Avanzada:

🥇Chiscrow (Vigo)
🥈Amor (Neda)

 

Xurado:
– Bgirl Lúa
– Bboy Anxo Flava
– Bgirl Cat

 

🎤 Norte
🎶 DJ da Roots

 

 

FOTOS

 

 

 

#LigaXuntaBreak

 

 

 

A 7ª xornada da Liga Xunta de Galicia de Break terá lugar na Alameda de Pontedeume (pavillón do IES Breamo en caso de chuvia) e será en formato 1vs1. A competición dará comezo no horario habitual de 17:00 ata as 20:30 aprox. (confirmación de participantes de 16:00 a 17:00 horas). O taller será impartido por Bboy Retrokid no Espazo Xove de Pontedeume de 12:30 a 13:30 horas.

 

HORARIOS:

  • Taller formativo: 12:30 a 13:30
  • Confirmación de participación da competición: 16:00 a 17:00 horas.
  • Competición: 17:00 a 20:30 horas (aprox.)

 

FORMATO: 1vs1 (individual)

 

STAFF

Nesta xornada contaremos con Dj Danny FK, Norte como speaker e no xurado con Lúa, Vanesa e Anxo.

 

CARTEL

 

 

 

 

#LigaXuntaBreak

 

 

 

A sexta xornada da Liga Xunta de Galicia de Break será en formato 2vs2 e celebrarase o sábado 10 de setembro en Vigo (Centro Comercial Vialia) no espazo Food Court (no interior en caso de mal tempo) en horario de 17:00 a 20:30 (confirmación de participantes de 16:00 a 17:00 horas). O taller será impartido por Bgirl Xayna no mesmo lugar que a competición de 12:30 a 13:30 horas.

 

HORARIOS:

  • Taller formativo: 12:30 a 13:30
  • Confirmación de participación da competición: 16:00 a 17:00 horas.
  • Competición: 17:00 a 20:30 horas (aprox.)

 

FORMATO: 2vs2 (parellas)

 

STAFF

Nesta xornada contaremos con Dj Mil, Norte como speaker e no xurado con Lúa, Chiscrow e Marcel.

 

CARTEL

 

 

 

 

#LigaXuntaBreak

 

 

 

Volve a Liga Xunta de Galicia de Break, esta vez dentro da programación do Festival Extruga na Rúa, celebrado en Verín.  Rematou o verán, pero non as ganas de seguir bailando Break e así o deron a coñecer todos os/as deportistas que participan na Liga, que unha vez máis tivo unha alta participación.

 

 

Neste día moitos bboys e bgirls demostraron na pista de baile todo o que adestraron durante o período de vacacións con batallas moi igualadas e algunhas sorpresas,  desde Javix, que conseguiu o se debut en powermoves sacando un dos movementos máis característicos desta modalidade, os windmills, ata bboy Manu que sorprendeu chegando á final da categoría avanzada contra bboy Amor, este último, consegue en Verín a súa primeira vitoria nesta tempada da Liga, situándose na segunda posición a escasos puntos de Chiscrow.

 

 

Na categoría intermedia, Mini Ali continúa outra xornada invicta, aínda que pouco faltou para que Wolfy lle arrebatara a disputada final por 2 votos en contra e un a favor.  Pau, que quedou en semifinais ante MiniAli, trouxo un estilo máis refinado que non deixou indiferente a ninguén. Sen dúbida a madurez dos bboys e bgirls galegos/as comeza a notarse.

 

 

Por último, pero non menos importante, a categoría de iniciación contou con 8 participantes, sendo Bboy Revolt o vencedor da xornada tras unha disputada final ante Elías.  Por outra banda, nótase a presión dos máis novos, con Naix e Pedrosa chegando ás semifinais.

 

 

 

O staff do evento estivo composto por Dj da Roots, Anxo Flava no micro e o elenco de xuíces formado por Serlli, Joseba e Artur.

 

 

RESULTADOS

 

Categoría Iniciación:

🥇Revolt (A Coruña)
🥈Elías (A Cañiza)

 

Categoría Intermedia:

🥇Mini Ali (Ourense)
🥈Wolfy (A Coruña)

 

Categoría Avanzada:

🥇Amor (Neda)
🥈Manu (Vigo)

 

Xurado:
– SerLli
– Joseba
– Artur

 

🎤Anxo Flava
🎶 DJ da Roots

 

 

 

#LigaXuntaBreak

 

 

 

A quinta xornada da Liga Xunta de Galicia de Break celebrarase o sábado 27 de agosto en Verín (Camiño da Preguiza), enmarcado no festival de cultura urbana Extruga na Rúa (no caso de choiva, a competición terá lugar no pavillón municipal). O taller impartirase no mesmo lugar que a competición de 12:30 a 13:30 horas.

 

HORARIOS:

  • Taller formativo: 12:30 a 13:30
  • Confirmación de participación da competición: 16:00 a 17:00 horas.
  • Competición: 17:00 a 20:30 horas (aprox.)

 

FORMATO: 1vs1 (individual)

 

STAFF

Nesta xornada contaremos con Dj Danny FK, Anxo Flava como speaker e no xurado con Joseba, Serlli e Artur.

 

CARTEL

 

 

 

 

#LigaXuntaBreak

 

 

 

O Rompetiño Jump aposta polo deporte urbano, acollendo en Porto do Son á Liga Xunta de Galicia de Break. Música, Parkour, Skate, BMX e Break foron as principais actividades deste festival galego que medra a pasos axigantados en cada edición.

 

 

Na competición de Break, nesta ocasión na modalidade mixta 2vs2, participaron 22 parellas con 44 participantes achegados desde todos os recunchos de Galicia. Foi unha xornada moi distinta á que ven sendo habitual na Liga, maiores competindo en parella con nenos, mozos con mozas e mesmo principiantes con avanzados. O certo é que os asistentes puideron gozar dunha xornada chea de enerxía e abarrotada de cultura urbana, sendo o Rompetiño un evento cultural, xuvenil e deportivo de referencia.

 

 

 

Bboy Retro Kid, ao que estamos acostumados a velo impartindo obradoiros en todos os eventos da Liga, despois de máis de 5 anos sen competir, volveu á escena representando, xunto a Bboy Serlli, ao equipo chamado Compostela Breakers, que acabou colgando as medallas de prata tras a batalla final contra Flying Clan (Arthur e Lil Rays).

 

O terceiro lugar foi para Bboy Amor e Bboy Gnomo que tras a votación do xurado (2 votos a favor e 1 en contra) deixaron a Inthecisos de Vigo (Sinopsis e Moncho Muchacho) na cuarta posición.

 

The Hood (Xayna e Gizmou), Vigonte (Jumber e Manu), Fresh Design (Mini Ali e Caba) e Breaking Clan (Rubio e «H») deixaron grandes momentos nos cuartos de final.

 

 

 

Tamén foi un pracer ver a Bboy Aca e Bboy Chris, a parella máis nova da liga (6 anos), que xunto a outra boa fornada de parellas: Sisters, M&M’s, Vigo Street, etc. que demostraron o bo nivel que está a ter o Breaking Galego.

 

 

 

RESULTADOS

🥇Fliying Clan
🥈Compostela Breakers
🥉David’s Crew
4️⃣Inthecisos

 

Xurado:
– Chiscrow
– Danny Faka
– Marcel

 

🎤Anxo Flava
🎶 DJ Mil

 

 

#LigaXuntaBreak

Fotos: Andrea Carleos (Concello de Porto do Son)

 

 

 

A cuarta xornada da Liga Xunta de Galicia de Break celebrarase o sábado 2 de xullo no Peirao de Porto do Son, enmarcado no festival de cultura urbana Rompetiño Jump (no caso de choiva, a competición terá lugar no pavillón municipal). O taller impartirase no mesmo lugar que a competición (*1 hora antes do horario habitual para cadralo coa programación do evento urbano).

 

HORARIOS:

  • Taller formativo: 11:30 a 12:30*
  • Confirmación de participación da competición: 16:00 a 17:00 horas.
  • Competición: 17:00 a 20:30 horas (aprox.)

 

FORMATO: 2vs2 (parellas)

 

STAFF

Nesta xornada contaremos con Dj Mil, Anxo Flava como speaker e no xurado con Chiscrow, Danny FK e Marcel.

 

CARTEL

 

 

 

#LigaXuntaBreak

 

 

 

Aviso Legal e Política de Privacidade